یڵدرم: "بۆ ئۆپەراسیۆنی عێراق لەگەڵ حکوومەتی ئەو وڵاتە لە پەیوەندی داین"

ئەنقەرە - AA

سەرۆکوەزیرانی تورکیا، بینالی یڵدرم گوتی: "بە شێوەیەکی بەردەوام کەی پێویست بێت ئەو کاتە ئۆپەراسیۆن لە باکووری عێراق ئەنجامدراوە. لەبارەی پاککردنەوەی ناوچەکان بە تەواوی لە ژێر دەستی داعش و ھەروەھا لەناوبردنی پەکەکە، لە پەیوەندی داین لەگەڵ حکوومەتی عێراقی. ھیوادارم لە داھاتووێکی نزیکدا، ھەماھەنگیمان بەھێزتر دەبێت لەمبارەیەوە".

یڵدرم لە دوای ئەنجامدانی نوێژی ھەینی لە شاری ئەنقەرە، وەڵامی پرسیاری رۆژنامەنووسانی دایەوە.

یڵدرم لەبارەی پرسیاری پەیوەندیدار بە ئەنجامدانی ئۆپەراسیۆن لە دژی رێکخراوی تیرۆریستی پەکەکە لە ھەرێمی کوردستان و ھەنگاوەکانی پلاندانان و ئەگەری ئەنجامدانی ئەو ئۆپەراسیۆنە لە ماوەیەکی نزیکدا رایگەیاند کە تورکیا بەردەوامە لە بەرەنگاربوونەوەی رێکخراوە تیرۆریستییەکانی وەک پەکەکە/پەیەدە و یەپەگە لە ناوەوە و دەرەوەی وڵات.

یڵدرم ئۆپەراسیۆنی لقی زەیتون و قەڵغانی فوڕاتی بەبیرھێنایەوە و گوتی: "بە شێوەیەکی بەردەوام کەی پێویست بێت ئەو کاتە ئۆپەراسیۆن لە باکووری عێراق ئەنجامدراوە. لەبارەی پاککردنەوەی ناوچەکان بە تەواوی لە ژێر دەستی داعش و ھەروەھا لەناوبردنی پەکەکە، لە پەیوەندیدی داین لەگەڵ حکوومەتی عێراقی. ھیوادارم لە داھاتووێکی نزیکدا، ھەماھەنگیمان بەھێزتر دەبێت لەمبارەیەوە".