ژمارەی قوربانیانی تەقینەوەکەی بینگۆل گەیشتە شەش پۆلیس

لەمیانی تێپەڕبوونی کاروانێکی ئۆتۆمبێلی زریپۆشی پۆلیس لە بینگۆل، ئۆتۆمبێلێکی بۆمبڕێژکراو کە لەلایەن چەکدارانی پەکەکە دانرابوویەوە تەقییەوە و بەهۆیەوە شەش پۆلیس گیانیان لەدەستدا و چواری دیکەش بە سەختی بریندار بوون.

لە روونکردنەوەیەکیدا بۆ رۆژنامەنووسان پارێزگای بینگۆل، یاڤوز کۆشگەر رایگەیاند کە بەهۆی تەقینەوەکە شەش کارمەندی پۆلیس گیانیان لەدەستداوە و چواری دیکەش بە سەختی بریندار بوون.

پارێزگاری بینگۆل، تیشکی خستە سەرئەوەی کە ئەو پۆلیسانەی بەر تەقینەوەکە کەوتوون، دوای تەواوبوونی ئەرکەکانیان لە فڕۆکەخانەی بینگۆل بەرەو ماڵەکانیان دەگەڕانەوە و گوتی: "ئۆتۆمبێلێکی بۆمبڕێژکراو کە لە قەراغ رێگاکەوە وەستێنرابوو بە کاروانی سەربازەکان تەقییەوە، تاوەکو ئێستا شەش شەهید و چوار بریندارمان هەیە".

کۆشگەر راشیگەیاند کە ئۆپەراسیۆن لە ناوچەکەدا بۆ دۆزینەوەی ئەنجامدەرانی تەقینەوەکە بەردەوامە.