پەیامی سەرکۆمار ئەردۆغان بەبۆنەی جەژنی ڕەمەزانەوە

ئەنقەرە - AA

سەرکۆماری تورکیا، ڕەجەب تەیب ئەردۆغان ئاماژەی بەوە کرد کە بەو پێداویستیانەی هاوکاری کە تێکڕا ٤٥ هەزار تۆنیان تێپەڕاندووە و تا ئەمڕۆ ڕەوانەی ناوچەکەیان کردووە، نیشانیانداوە لەم ڕۆژە سەختانەدا لە پاڵ گەلی فەڵەستیندا بوون و ڕایگەیاند: "لەمەودواش تا ڕاوەستانی خوێنڕێژی لەغەززە و گەیشتنی خوشک و برایانی فەڵەستینییمان بە دەوڵەتی سەربەخۆی فەڵەستین کە سنوورەکانی ١٩٦٧ و پایتەختەکەی قودسی ڕۆژهەڵات بێت، پشتیوانییەکانمان بەردەوام دەبن".

بەبۆنەی جەژنی ڕەمەزانەوە، سەرکۆمار ئەردۆغان پەیامێکی ڤیدیۆیی بڵاوکردەوە و پیرۆزبایی جەژنی لە هاووڵاتیان کرد.

لە پەیامەکەیدا سەرکۆمار ئەردۆغان ڕایگەیاند: "هیواخوازم جەژن ببێتە مایەی ئاشتیی و ئارامیی و خۆشگوزەرانیی بۆ وڵات و گەلمان و جیهانی ئیسلامی و هەموو مرۆڤایەتی. سوپاسی خودا دەکەم کە بە تەندروستی باشی و سەلامەتی لەگەڵ ئازیزانماندا بە جەژنێکی دیکەی شادکردین".

هەروەها سەرکۆمار ئەردۆغان لە پەیامەکەیدا ئەوەی وەبیرهێنایەوە کە لە ئەنجامی هێرشەکانی ئیسرائیلدا ٣٣ هەزار فەڵەستینی شەهید بوون و زیاتر لە ٧٥ هەزار کەسیش برینداربوون و، داوای لێخۆشبوونی لە خودا بۆ شەهیدەکان و شیفای بەپەلەی بۆ برینداران خواست و ڕایگەیاند: "وەک تورکیا بەو پێداویستیانەی هاوکاری کە تێکڕا ٤٥ هەزار تۆنیان تێپەڕاندووە و تا ئەمڕۆ ڕەوانەی ناوچەکەمان کردووە، نیشانماندا کە لەم ڕۆژە سەختانەدا لە پاڵ گەلی فەڵەستیندا بووین. لەمەودواش تا ڕاوەستانی خوێنڕێژی لەغەززە و گەیشتنی خوشک و برایانی فەڵەستینییمان بە دەوڵەتی سەربەخۆی فەڵەستین کە سنوورەکانی ١٩٦٧ و پایتەختەکەی قودسی ڕۆژهەڵات بێت، پشتیوانییەکانمان بەردەوام دەبن".

سەرکۆمار ئەردۆغان ئاماژەی کرد ڕێگە نادەن ڕێکخراوە تیرۆریستییەکان هەر لە پەکەکەوە تا فەتۆ و داعش کە یەکێتیی وڵات و ئارامیی خەڵک دەکەنە ئامانج چالاکی و جموجووڵیان هەبێت، جەختیشی لەسەر ئەوە کردەوە کە پێداگرن لەسەر ستراتیجی وشککردنی زۆنگاوی تیرۆر لە سەرچاوەکەیەوە.

هاوکات سەرکۆمار ئەردۆغان لە پەیامەکەیدا ڕایگەیاند: "لە بەرەی ئابوورییدا بەرەنگاربوونەوەی گرانی ژیان و هەڵئاوسان بابەتێکن زۆر هەستیارترین لە بارەیانەوە. پشتیوان بەخودا پێداگرین لەسەر چارەسەرکردنی ئەم پرسە کە هەموو جیهان و ئێمەشی هەراسان کردووە".

گوتیشی: "لە نیوەی دووەمی ساڵەوە کاریگەریە ئەرێنییەکانی ئەو بەرنامە ئابوورییەی جێبەجێ دەکەین ڕوونتر دەبینین. ئەو سەردەمی هەڵبژاردنە چوار ساڵیەی لەگەڵ بە ئاسانی تەواوبوونی هەڵبژاردنەکانی ٣١ی ئادار سەریهەڵداوە بۆ بەجێگەیاندنی ئەم ئامانجانە بەکاردەهێنین".