وه‌رگه‌ڕانی مینی پاسێك له‌ ئیستانبوڵ هه‌شت بریندار لێ كه‌وته‌وه

‌
ئیستانبوڵ – AA

دوای له‌ كۆنتڕۆڵ ده‌رچوونی، وه‌رگه‌ڕانی مینی پاسێك له ناوچه‌ی غازی عوسمان پاشا له‌‌ ئیستانبوڵ هه‌شت بریندار لێ كه‌وته‌وه.

به‌پێی زانیارییه‌كان مینی پاسێكی خزمه‌تگوزاری سه‌ر به‌ كۆمپانیایه‌كی ئه‌منی له‌ كاتی لێخوڕیندا له‌ شه‌قامی عه‌بدی ئیپه‌كچی له‌ گه‌ڕه‌كی كارایۆڵڵاری به‌هۆكارێكی نه‌زاندراو له‌ كۆنتڕۆڵی شۆفێره‌كه‌ ده‌رچوو و وه‌رگه‌ڕا.

دوای ئاگاداركردنه‌وه‌یان، تیمه‌ په‌یوه‌ندیداره‌كان ره‌وانه‌ی شوێنی رووداوه‌كه‌ كران.

تیمه‌كانی ته‌ندروستی چاره‌سه‌ری به‌رایییان بۆ ئه‌و هه‌شت سه‌رنشینه‌كه‌ی مینی پاسه‌كه‌ كرد كه‌ بریندار بوون و دواتر برینداربووان ره‌وانه‌ی نه‌خۆشخانه‌ كران.

دوای لابردنی ئۆتۆمبێله‌كه‌ لە سه‌ر شه‌قام، هاتوچۆی ئۆتۆمبێله‌كان ئاسایی بۆوه‌.