هەوڵدانى رۆژنامەنووسێكى ئەمريكى بۆ ناوزڕاندنى ئۆپەراسيۆنى كانى ئاشتى لە ڕێگەى وێنەيەكى خەڵاتكراو

ئەنقەرە ـ AA

لە چوارچێوەی ھەوڵەکانی دژایەتیکردن و چەواشەکردنی ئامانجە سەرەکییەکانی ئۆپەراسیۆنی کانی ئاشتی لە رێگەی تۆڕە کۆمەڵایەتییەکانەوە، رۆژنامەنووسی رۆژنامەی نیویۆرک تایمزی ئەمریکی، کورت یاگنوڵد وێنەیەکی کۆنی رۆژنامەنوسێکی تورکی خاوەن خەڵاتی جیھانی بڵاوکردەوە کە گوایە ئەوە وێنەی ئۆپەراسیۆنی کانی ئاشتی-ە.

لەگەڵ خێرایی بەردەوامبوونی ئۆپەراسیۆنی کانی ئاشتی، ھەوڵەکانی چەواشەکاری و دژایەتیکردنی ئۆپەراسیۆنەکە لە رێگەی بڵاوکردنەوەی وێنەی شوێنی جیاواز و رووداوی جیاواز بە ھەمان خێرایی بەردەوامە.

رۆژنامەنووسەکەی نیویۆرک تایمز، وێنەیەکی بومەلەرزەکەی ساڵی ١٩٨٣-ی ئەرزوڕوم ھێناوە کە تێیدا دایکێک بەدیار تەرمی منداڵەکانییەوە دەگری، وەک وێنەی ئۆپەراسیۆنەکە بڵاوی کردەوە.

راستی وێنەکە لە بنەڕەتدا، مستەفا بۆزدەمیر گرتوویەتی و وەک یەکەم وێنەگری تورک دادەنرێت کە خەڵاتی وێنەی رۆژنامەنووسی جیھانی وەرگرتووە.

یاگنوڵد، لە پۆستەکەیدا ھەریەک لە سەرۆکی ئەمریکا دۆناڵد ترەمپ، سیناتۆرانی کۆماری، لیندسی گراھام، مارکر رۆبیۆ و سیاسەتمەدارەکانی دیکەی ئەمریکای تاگ کردووە و نوسیویەتی:"چیتر کوشتنی منداڵ کێشە نییە بۆ کۆمارییەکان. ئەمە تایبەتمەندییەکی ئەوانە".