هۆشداریی ئەردۆغان بۆ ئەڵمانیا

ئیستانبوڵ- AA

سەرکۆماری تورکیا، رەجەب تەیب ئەردۆغان هۆشداریی دایە ئەڵمانیا بەهۆی رێگرییکردن لە ئەنجامدانی چالاکییەکانی پەیوەست بەڕیفراندۆم لەو وڵاتە و گوتی: ''ئێستا وا دەزانن کە رەجەب تەیب ئەردۆغان دەچوو بۆ ئەڵمانیا. ئەگەر بمویستایە دەهاتم و کە هاتیشم و ئەگەر نەتان هێشتایە بێمە ناو ئەڵمانیاوە یان رێگەتان نەدایە قسە بکەم، ئەوا کارێکم دەکرد هەموو جیهان سەرزەنشتتان بکات''.

سەرکۆماری تورکیا، رەجەب تەیب ئەردۆغان هۆشداریی دایە ئەڵمانیا بەهۆی رێگرییکردن لە ئەنجامدانی چالاکییەکانی پەیوەست بەڕیفراندۆم لەو وڵاتە و گوتی: ''ئێستا وا دەزانن کە رەجەب تەیب ئەردۆغان دەچوو بۆ ئەڵمانیا. ئەگەر بمویستایە دەهاتم و کە هاتیشم و ئەگەر نەتان هێشتایە بێمە ناو ئەڵمانیاوە یان رێگەتان نەدایە قسە بکەم، ئەوا کارێکم دەکرد هەموو جیهان سەرزەنشتتان بکات. من لێرەوە رووی دەمم دەکەمە حکوومەتی ئەڵمانیا، رووی دەمم دەکەمە ئەوانەی باوەڕیان بەدیموکراسی هەیە؛ کە خەبات دەکەین لە پێناو ئازادییدا، کە بەئازادیی رادەربڕین ناڕەحەت نیین، کە باوەڕمان بەدیموکراسی هەیە، ئەوا هیچ کەسێک ناتوانێت رێگە لە ئێمە بگرێت، پێویستە ئەمە بەو جۆرە بزانرێت''.

رەجەب تەیب ئەردۆغان لە میانی ''شەوی تۆکاتییەکان''دا لە ئیستانبوڵ، گوتارێکی پێشکەش کرد.

ئەردۆغان باسی لەوەکرد ئەڵمانیا رێگریی لەوەکردووە ەی کە ئەو گوتار پێشکەش بکات بەڵام رێگەی بەجەمیل بایک داوە قسەبکات و رایگەیاند:

''بەرپرسانی ئەڵمانیا باس لەوە دەکەن کە گوایە شوێنێک گشتیی نەبووە سیاسییەکانی تورکیا بەکرێی بگرن. یان ئەوەی گوایە ئەگەر ئەو هەموو خەڵکە کۆببنەوە ئەوا مەترسیی لە رووی ئاسایشەوە درووست دەبێت. یان گوایە شوێنی پارککردنی ئۆتۆمبیل نەبووە. خوشک و برایانم، پێشتر رێگەیان دا. بڕیاربوو من لە تورکیاوە لە رێگەی ڤیدیۆ یان تەلە کۆنفرانسەوە بەشداریی بکەم. دادگای دەستووریی لەماوەی 2 کاتژمێردا بڕیاری دا و رێگەی لە بەشداراییکردنی من لە رێگەی تەلە کۆنفرانسەوە گرت. هەر ئەو ئەڵمانیایە لە کاتێکدا کە رێگریی لە سەرکۆماری تورکیا کرد بەشداریی لە کۆبوونەوەیەکدا لە رێگەی تەلەکۆنفرانسەوە بکات، لە قەندیلەوە رێگەی بەجەمیل بایک دا تەلەکۆنفرانس ئەنجامبدات".

گوتيشى: "تێگەیشتنی ئەمانە لە دیموکراسیی بەو جۆرەیە. لەهەمان ئەو وڵاتانەدا تیرۆریستەکانی پەکەکە و دەهەکەپەجە لە ئێستادا بەئازادیی دەسووڕێنەوە و تویت دەکەن. 4 هەزار و 500 دۆسیەم دایە راوێژکاری ئەڵمانیا، هیچ یەکێک لەوانە ئەنجامی نەبوو. لە قەرەباڵغترین شەقامی شارەکاندا و لە گرنگترین هۆڵەکانی کۆبوونەوەدا، خۆپیشاندان سازدەکەن و پۆستەر و وێنەی مرۆڤکوژان و سەردەستەی تیرۆریستان بەرز دەکەنەوە. کاتێکیش دێتە سەر قسە، دەڵێن کە نایانەوێت سیاسەتی ناوخۆی تورکیا بۆسەر خاکی خۆیان بگوازنەوە''.

گوتیشی: ''من پێم وابوو نازییەت لە ئەڵمانیا کۆتایی هاتووە، نەمزانی هێشتا درێژەی هەیە. بەڕوونی دیارە. ئەگەر باوەڕت بەدیموکراسی هەیە ئەوا وەزیرەکەی من لەگەڵ وەزیرەکەی تۆدا کۆدەبێتەوە و کۆبوونەوەیەک لەیەكێک لە هۆڵەکاندا سازدەکات. بۆچی بەمە ناڕەحەت دەبیت؟''.