هۆشداری روودانی بەسەهۆڵبوون و هەرەسی بەفر لە خۆرهەڵاتی ئانادۆڵو

وان - AA

لە پارێزگاکانی وان، ئاگری، بەدلیس، مووش و هەکاری لە رۆژهەڵاتی ئانادۆڵو، هۆشداری درا لە بارەی هەرەسی بەفر و روودانی بەستن.

بەپێی راگەیاندراوێکی بەڕێوەبەرایەتی کەشناسی ناوچەکە، پێشبینی دەکرێت کەش و هەوای ناوچەکە بە گشتیی کەمێک هەوراوی و ساماڵ بێت.

لە ناوچەکەدا کە پلەکانی گەرما گۆڕانی بەسەردا نایەت، توندەبا لە ئاراستەی خۆرهەڵات و باکوورەوە بە هێواشی هەڵ دەکات و ماوە ماوە بەهێز دەبێت و، چاوەڕوان دەکرێت لە دەریاچەی وان لە ئاراستەی باکووری خۆرهەڵاتەوە خێراییەکەی بگاتە (١٠-٣٠) کیلۆمەتر لە کاتژمێرێکدا.

پێشبینی دەکرێت بەرزترین پلەکانی گەرما لە رۆژدا بەمشێوەیە بێت؛ لە وان دوو پلە، لە مووش چوار پلە ژێر سفر، لە بەدلیس و هەکاری یەک پلە ژێر سفری سەدی بێت.

بەگشتیی لە ناوچەکەدا هۆشداریدراوە لە روودانی بەستن و بەسەهۆڵبوون، لەگەڵ مەترسی روودانی هەرەسی بەفر لەو قەدباڵە بەرزانەی بەفرێکی زۆریان لەسەر کەڵەکە بووە، هەروەها داوا لە هاووڵاتیان کراوە هۆشیاربن و رێوشوێن بگرنەبەر.