مێرکڵ سەردانی پەرلەمانی تورکیای کرد

راوێژکاری ئەڵمانیا ئەنگێلا مێرکڵ کە بە سەردانێکی فەرمی لە تورکیایە لەگەڵ شاندی یاوەری سەردانی پەرلەمانی تورکیای کرد.

شاندەکەی ئەڵمانیاش لەلایەن جێگری سەرۆکی پەرلەمانی تورکیا ئەحمەد ئایدنەوە پێشوازی کران و دواتر بۆ ماوەی ٤٥ خولەک دور لە چاوی راگەیاندکاران کۆبوونەوە.

دوابەدوای کۆبوونەوەکەش شاندەکەی ئەڵمانیا بەنێو پەرلەمانی تورکیا گەڕان و لە نزیکەوە چاویان بەو شوێنانە کەوت کە لە شەوی کودەتا شکستخوادووەکەی ١٥ تەمووزی رابردوو بۆردومان کرا.