لە پارێزگای ئیغدر ڕەنگی پاییز باڵی بەسەر دۆڵی غازیلاردا کێشاوە

ئیغدر - AA

دۆڵی غازیلار لە پارێزگای ئیغدر، ئاوێتەی ڕەنگەکانی وەرزی پاییز بووە.

دۆڵەکە کە لە گوندی غازیلاری قەزای توزڵوجا دەستپێدەکات و هەتا ڕووباری ئاراس چەندین کیلۆمەتر درێژ دەبێتەوە، ناوچەیەکی دارستان و پڕ کانی و بەردەڵانە.

ئەم دۆڵە کە ئاوێتەی ڕەنگە جۆراوجۆرەکانی وەرزی پاییز بووە لە زەرد و قاوەیی و سەوز، بە جوانییە سروشتییەکەی بووەتە جێی سەرنج.

ڕەنگی ڕووەکەکانی دەوری گوندەکە و ناو دۆڵەکە، ئەو ڕەنگانەی بەهۆی زەردبوونی گەڵای درەختەکانەوە دروست بوون، دیمەنێکی جوان و قەشەنگیان بە ناوچەکە بەخشیوە و، بوونەتە جێی سەرنجی ئەو کەسانەی خوازیاری کات بەسەربردنن لە سروشتدا.