له‌ ئیستانبوڵ پشكنین بۆ ئامێره‌كانی هاتوچۆ كرا

ئیستانبوڵ – AA

تیمه‌كانی هۆبه‌ی پشكنینی هاتوچۆی به‌ڕێوه‌به‌رایه‌تی ئاسایشی ئیستانبوڵ به‌مه‌به‌ستی دڵنیابوونه‌وه‌ له‌ پابه‌ندبوون به‌و رێوشوێنانه‌ی له‌ میانی رێگه‌گرتن له‌ بڵابوونه‌وه‌ی ڤایرۆسی كۆرۆنای نوێ پشكنینیان بۆ ئامێره‌كانی هاتوچۆی وه‌ك پاس، دۆڵموش و تاكسی له‌ هه‌ردوو به‌ری ئاسیا و ئه‌ورووپای شاره‌كه‌ كرد.

تیمه‌كان له‌ میانی پشكنینه‌كه‌دا جگه‌ له‌ سه‌یركردنی مامه‌ڵه‌ی هاتوچۆی شۆفێران، هه‌روه‌ها له‌وه‌یان كۆڵییه‌وه‌ كه‌ تاچه‌ند ره‌چاوی پاكوخاوێنی و دووره‌په‌رێزی كۆمه‌ڵایه‌تی كراوه‌ و ده‌مامك به‌كارهێندراوه‌.

تیمه‌كان سزایان بۆ ئه‌و شۆفێر و سه‌رنشینانه‌ بڕییه‌وه‌ كه‌ پابه‌ند نه‌بوون به‌ رێنمایییه‌كان.