شەڕی دووبنەماڵە لە ماردین ١١ برینداری لێکەوتەوە

ماردین - AA

لە میانی ئاهەنگێکی هاوسەرگیریدا لە شاری یەشیللی سەربە پارێزگای ماردین، شەڕ لەنێوان دووبنەماڵەدا دروست بوو و بەهۆیەوە ١١ کەس برینداربوون.

ئەو دەمەقاڵەی کە لەنێوان بنەماڵەکانی ئاجو و چاوشئۆغڵودا دروست بوو کە دوژمنداری لەنێوانیاندا هەبووە لە ئاهەنگێکی هاوسەرگیریدا کە لە گەڕەکی باخچەباشی بەڕێوەچوو، گۆڕا بۆ شەڕ و پێکدادان.

شەڕەکە کە مێز و کورسی و چەکی تیادا بەکارهێندرا، برینداربوونی ١١ کەسی لێکەوتەوە.

دوای ئاگادارکردنەوەیان، تیمەکانی پۆلیس و تەندروستی رەوانەی شوێنی رووداوەکە کران. پۆلیسەکان کۆتایییان بە شەڕی نێوان دووبنەماڵەکە هێنا.

بریندارەکان دوای فریاگوزاریی سەرەتایی لە شوێنی رووداوەکە، گوازرانەوە بۆ نەخۆشخانەی فێرکاریی ماردین و نەخۆشخانەی گشتیی کزڵتەپە.

پۆلیس هەڵمەتێکی دەست پێ کرد بۆ قۆڵبەستکردنی ئەو کەسانەی لە رووداوەکەدا تێوەگلاون.