شەپۆلێکی بەفر بارین ڕێگەی نێوان ٤٧٢ ئاوایی لە وان، هەکاری، بەدلیس و مووش داخست

وان - AA

شەپۆلێکی بەفر بارین ماوەی چەند ڕۆژێکە ڕۆژهەڵاتی ئانادۆڵوی گرتووەتەوە و هەر یەکە لە پارێزگاکانی وان، هەکاری، بەدلیس و مووشی بە تەواوی داپۆشیوە.

بەهۆی ئەو بەفربارینەوە ڕێگەی نێوان ٤٧٢ ئاوایی لەو پارێزگایانە داخراوە.

بەفربارین لە وان کە چەند ڕۆژێکە بێ پسانەوە بەردەوامە، ڕێگەی نێوان ٢٧٢ ئاوایی داخستووە و هەوڵەکان بۆ کردنەوەی ڕێگەی نێوان ئەو گوند و ناوچە نیشتەجێبووانە بەردەوامە.

هاوکات لە پارێزگای هەکاری، ١٢ گوند و ١١٢ ناوچەی نیشتەجێبوون، ئاستەنگی هاتوچۆیان بۆ دروست بووە و پەیوەندییان بە یەکەوە پچڕاوە.

لە بەدلیس و مووش'یش هەوڵەکان بۆ کردنەوەی ڕێگەی ژمارەیەک گوند و ناوچەی نیشتەجێبوون بەردەوامە و تیمەکانی شارەوانی و ڕێگەوبان بەردەوامن لەسەر کارەکانیان.