شه‌پۆلێكی به‌فر بارین ئه‌نقه‌ره‌ی گرته‌وه‌

ئه‌نقه‌ره‌ - AA

شه‌پۆلێكی به‌فراوی ئه‌نقه‌ره‌ی پایته‌ختی توركیای گرته‌وه‌ و به‌درێژایی شه‌وی رابردوو به‌رده‌وامبوو.

ته‌واوی شاره‌كه‌ به‌رگی سپیی پۆشیوه‌ و له‌ ژمارەیەک شوێن بڕی ئه‌و به‌فره‌ی باریوه‌ ده‌گاته‌ 30 سانتیمه‌تر.

خه‌ڵكی شاره‌كه‌ به‌ شه‌ڕه‌ تۆپه‌ڵ و خلیسكێنه‌ی سه‌ر به‌فر چێژ له‌ به‌فره‌كه‌ وه‌رده‌گرن و به‌و مه‌به‌سته‌ به‌لێشاو روویان له‌ پاره‌كانی كوغوڵو و سه‌یمه‌نله‌ر و كورتوڵوش و پاركه‌كانی دیكه‌ی ئه‌نقه‌ره‌ كردووه‌.

ژمارەیەک كه‌سیش وێنه‌ و دیمه‌نی به‌فربارینی له‌ تۆڕه‌ كۆمه‌ڵایه‌تییه‌كان بڵاوكردووه‌ته‌وه‌.

هاوكات به‌ هۆی به‌فره‌وه‌ ژمارەیەک دره‌خت شكاونه‌ته‌وه‌ و به‌و هۆیه‌شه‌وه‌ ژمارەیەک له‌ رێگا و كۆڵانه‌كانی شاره‌كه‌ به‌ڕووی هاتوچۆدا داخراون.

ژمارەیەک ئۆتۆمبێل كه‌ لقی دره‌خته‌كانیان به‌سه‌ردا رووخاوه‌، زیانیان به‌ركه‌وتووه‌.