سبه‌ی له‌ ئیستانبوڵ پێشانگای''Istanbul Photo Awards 2021'' ده‌كرێته‌وه‌

ئیستانبوڵ - AA

سبه‌ی سێیه‌مین پێشانگای پێشبڕکێی نێودەوڵەتیی وێنه‌ هه‌واڵ ''Istanbul Photo Awards 2021'' کە ئاژانسی ئانادۆڵو سازی ده‌كات له‌ ئیستانبوڵ ده‌كرێته‌وه‌.

پێشنگاكه‌ له‌ ناوه‌ندی وزه‌ی كه‌مپی سانتراڵئیستانبوڵی زانكۆی بیلگی ئیستانبوڵ ده‌كرێته‌وه‌ و ئه‌و وێنانه‌ له‌خۆده‌گرێت كه‌ له‌ پێشبڕكێكه‌دا خه‌ڵاتیان به‌ده‌ستهێناوه‌ و تا ١٠ی كانوونی یه‌كه‌م به‌رده‌وام ده‌بێت.

له‌ پێشانگاکەدا ئه‌و وێنانە نمایش ده‌كرێن كه‌ گوزارشت له‌ رووداوه‌كانی ساڵی رابردوو ده‌كه‌ن، به‌تایبه‌تی په‌تای ڤایرۆسی كۆرۆنای نوێ، تەقینەوەكه‌ی بەیروت و پاڵەوانێتیی جیهانی سوپەربایک.

هه‌روه‌ها رۆژی هەیینی سێی کانوونی یەکەم لە شوێنی پێشانگاکە چاوپێکەوتنێک لەگەڵ فۆتۆگرافه‌ر ئادەم پرێتی ئەنجام دەدرێت، كه‌ براوەی خەڵاتی سێیەمی وەرزشی تاكه‌.

هێڵی ئاسمانیی تورکیا و ئاژانسی توركیا بۆ هاوكاری و هه‌ماهه‌نگیی (TIKA)، به‌ فه‌رمی سپۆنسەری پێشانگاکە ده‌كه‌ن.