زیاتر لە ١،١ ملیۆن کەس بەشدارییان لە دەنگدانی دەرەوەی وڵاتدا کردووە

ئەنقەرە - AA

بڕیارە لە ٢٨ی ئایاردا، گەڕی دووەمی هەڵبژاردنەکانی سەرۆکایەتی لە تورکیا بەڕێوەبچێت.

لە دەرەوەی وڵات و دەروازە سنوورییەکان یەک ملیۆن و ١٥٣ هەزار و ٨٤٢ کەس بەشداری گەڕی دووەمی هەڵبژاردنەکانیان کردووە.

پڕۆسەی هەڵبژاردن لە ٢٠ی ئایارەوە لە دەرەوەی تورکیا و دەراوازە سنوورییەکان دەستی پێ کردووە و تا ئیستاش بەردەوامە.

بەگوێرەی زانیارییەکانی دامەزراوەی باڵای هەڵبژاردنەکان لە تورکیا، تا ئێستا یەک ملیۆن و ٩٩ هەزار و ٨٤١ کەس لە دەرەوەی وڵات و ٥٤ هەزار و یەک کەسیش لە دەروازە سنوورییەکان دەنگیان داوە. بەم شێوەیەش ژمارەی ئەو کەسانەی تا ئێستا لە دەرەوەی وڵات و خاڵە سنوورییەکان بەشداری پڕۆسەی هەڵبژاردنیان کردووە گەیشتووەتە یەک ملیۆن و ١٥٣ هەزار و ٨٤٢ کەس.

لە نوێنەرایەتییەکانی دەرەوەی تورکیا، پڕۆسەی دەنگدان تا ٢٤ی ئایار و لە خاڵە سنوورییەکانیش تا کاتژمێر ١٧:٠٠ی رۆژی ٢٨ی ئایار بەردەوام دەبێت.