دەولەت باخچەلی: "سیناریۆکە هەمان شتە و ئامانجەکان جیاوازن"

ئەنقەرە - AA

ئێوارەی دوێنێ، سەرۆکی گشتیی مەهەپە، دەولەت باخچەلی لەگەڵ رۆژنامەواناندا بەربانگی کردەوە و وەڵامی پرسیارەکانی دایەوە.

دەولەت باخچەلی گوتی: "هەوڵی پەرەپێدانی دوژمنایەتییەک لەبەرامبەر ئەردۆغاندا دەدرێت. وەک دەرەنجامیش هاتنە سەر ئابووریی. هەمان سیناریۆیە، ئامانجەکان جیاوازن".

سەرۆکی گشتیی مەهەپە، دەولەت باخچەلی هەروەها گوتی: "ئەردۆغان لە گەڕی یەکەمدا دەیباتەوە و پێویستیشە بیباتەوە. چونکە سیستمی حکوومەتی سەرکۆماریی وەک سیستمێکی گرنگ، زەمینەی دەستووریی بۆ سازکراوە و لە گشتپرسیدا دەنگی گەلی بەدەستهێناوە و لە ئێستاشدا گەیشتووەتە قۆناغی جێبەجێکردن. پاشگەزبوونەوە لەم سیستمە، دروست نییە".