دەستگیرکردنی ٢٧ کەس بەتۆمەتی ئەندامێتی داعش

عوسمانییە- AA

لە شاری عوسمانییە و ١٠ شاری دیکەی تورکیا ئۆپەراسیۆنی بەرەنگاربوونەوەی داعش بەڕێوەچوو.

تیمەکانی فەرماندەیی جەندرمەی عوسمانییە، ئۆپەراسیۆنێکی هاوکاتیان بۆسەر ٣٣ ناونیشان لە شارەکانی عوسمانییە، ئیستانبوڵ، هاتای، بورسا، عەنتاب، یالۆڤا، قۆنیا، ئەنقەرە، ئادانا، مێرسین و ئورفا ئەنجامدا.

لە ئەنجامی ئۆپەراسیۆنەکاندا، تواندرا لەکۆی ٣٣ تۆمەتبار ٢٧یان دەستگیربکرێن.

لەئێستاشدا لێکۆڵینەوە لەگەڵ ئەو تۆمەتبارانەدا بەردەوامە.