دیاربەکر.. پێشوازی ساردی خەڵک بۆ خۆپیشاندان

بانگەوازی دەمیرتاش بۆ رێپێوان بەرەو ئەو ناوچەی کە تێیدا ئۆپەراسیۆنەکان درێژەی ھەیە، لەلایەن خەڵکەوە بایەخی پێ نەدرا و گرووپە بچووکەکان لە شارۆچکەکانی ناوەندی یەنیشەھیر، کایاپنار، سوور و باغڵار بە بەرد، کۆکتێل مۆلۆتۆف و بۆمبی دەستی و دەنگی ھێرشیان کردە سەر تیمەکانی پۆلیس.

سەرەڕای ھۆشداری ھێزەکانی ئاسایش، گرووپەکە بڵاوەیان نەکرد و بەھۆیەوە پۆلیس بە گازی قەتیسکراو و فرمێسکڕێژ رووبەڕووی خۆپیشاندەران بووەوە و لە رووداوەکاندا ٣٣ کەس دەستگیر کران.

-ژیان لە شارەکە ئاسایی بوو

ھاوکات سەرەڕای بانگەوازەکە قوتابیان بۆ قوتابخانە چوون و کاسبکاران دووکانەکان کردەوە و ھیچ گرفتێک لە ھاتوچۆی پاسەکانی شارەکە رووی نەدا.

-"ئاسوودەییمان دەوێت"

خۆپیشاندەران لە شارۆچکەی یەنیشەھیر زیانیان بە بازاڕی ئەو شارۆچکەیە گەیاند کە بەھۆی ھێرشەکانەوە میوە و سەوزەفرۆشان ماوەیەک ناچاربوون کارەکانیان بوەستێنن.

کاسبکارێکی شارۆچکەکە رەخنەی لە خۆپیشاندانەکان گرت و گوتی: "بەھۆی رووداوەکانەوە لە بەیانییەوە تەنھا سێ دۆنەرم فرۆشتووە. ئەو دۆنەرانەی ماوەتەوە تێک دەچێت. دەمانەوێت ھەموو کەسێک خەریکی ئیش و کاری خۆی بێت. داواش دەکەین ئەم رووداوانە ئەنجام نەدرێت. ئاسوودەیی نەماوە، داوای ئاسوودەیی دەکەین".