دیاربەکر.. دەستگیرکردنی دوو چەکداری پەکەکە

دیاربەکر - AA

لە دیاربەکر دوو چەکداری پەکەکە دەستگیرکران کە خۆیان ئامادەکرد بۆ ئەنجامدانی ژمارەیەک کردەی تیرۆریستی.

پارێزگاری دیاربەکر لە راگەیەنراوێکدا ئاماژەی بەوەداوە لە ناوچەیەکی نزیک شارۆچکەی سیلڤان سەربە پارێزگای دیاربەکر زانیارییان بەدەست گەیشتووە لەسەر دوو چەکداری پەکەکە. دوای دانانی خاڵی پشکنین لە ناوچەکە لەلایەن تیمەکانی جەندرمە، هەردووکیان دەستگیر کراون.

دوای دەستگیرکردنیان، بە فەرمانی دادوەر ماڵ و شوێنی کارەکانیان پشکنرا و لەئەنجامدا حەوت فیشەکی دەمانچەی نۆ ملم دۆزراوەتەوە. هەردوو چەکدارەکە دانیان ناوە بەوەی کە لە ئامادەکاریدا بوون بۆ ئەنجامدانی ژمارەیەک کردەی تیرۆریستی.