دووەمین کۆنگرەی نائاسایی ئاک پارت دەست پێ دەکات

بەمەبەستی بەشداریکردن لە دووەمین کۆنگرەی نائاسایی ئاک پارتی ژمارەیەکی زۆر لە چاودێران و سیاسەتمەدارانی تورکیا لە هۆڵی "Ankara Arena Spor Salonu" ئامادە بوون.

چالاکوانان، چاودێرانی سیاسی و هاووڵاتیان بە لێشاو بۆ هۆڵی کۆنگرەکە دەڕۆن. ئەو هاووڵاتیانەشی کە لە نێو هۆڵەکەدا شوێنیان نابێتەوە. شاشەی گەورە لە بەردەم هۆڵەکە دانراوە لەگەڵ دامەزراندنی چادر لە گۆڕەپانی هۆڵەکە و هەروەها تێیدا سات بە ساتی رووداوەکانی هۆڵەکە لە رێگەی شاشەکەوە دەگوازێتەوە.

سەرەتای کۆنگرەکە بە ساتێک راوەستان بۆ گیانی شەهیدان دەست پێ دەکات و دواتر مارشی سەرکەوتن دەخوێندرێتەوە.

سەرەتا سەرۆکی گشتیی ئاک پارتی ئەحمەد داودئۆغڵو گوتارێک پێشکەش دەکات و دواتر پاڵێوراوی سەرۆکی گشتیی پارتەکە بینالی یڵدرم گوتار پێشکەش دەکات.

پاشان سەرۆکی گشتیی پارتەکە و ئەندامانی ئەنجوومەنی بڕیاردانی ناوەندی هەڵدەبژێردرێن.

دواتر ئەو سەرۆکەی هەڵدەبژێردرێت گوتاری سپاسگوزاری پێشکەش دەکات و کۆتایی بە کۆنگرەکە دێت.