دوای ٦٨ کاتژمێر ژنێکی ٨٠ ساڵان لە هاتای رزگار کرا

هاتای - AA

لە هاتای دوای تێپەڕینی ٦٨ کاتژمێر بەسەر روودانی بوومەلەرزەکەدا، ژنێکی ٨٠ ساڵان لەژێر داروپەردووی رووخاو رزگار کرا.

تیمەکانی گەڕان و رزگارکردن لە میانی کارەکانیاندا لە باڵەخانەی پێنج نهۆمیی ئەرۆغڵو لە گەڕەکی مستەفا کەمال گوێیان لە هاوار و ناڵەی شازییە کاڵائاغزی تەمەن ٨٠ ساڵان بوو.

دوای نزیکەی چوار کاتژمێر هەوڵ و کارکردن، تیمەکان کاڵائاغز-یان بە برینداری لەژێر دارووپەردووی باڵەخانە داڕووخاوەکەدا دەرهێنا و رزگاریان کرد و دواتر بە ئۆتۆمبێلی فریاکەوتن رەوانەی نەخۆشخانەیان کرد.

دوای رزگارکردنی ژنە ٨٠ ساڵانەکە، تیمەکانی گەڕان و رزگارکردن و سەربازان باوەشیان بە یەکتردا کرد و فرمێسکی خۆشییان رشت.