داوای سزای هه‌شت ساڵ و نۆ مانگ زیندانی بۆ هاوسه‌رۆكی ده‌به‌په‌ ده‌كرێت

دیاربه‌كر - AA

بڕیاری ده‌ستگیركردن بۆ هاوسه‌رۆكی گشتیی پارتی ناوچه‌ دیموكراته‌كان ده‌به‌په‌ كاموران یوكسه‌ك ده‌ركرا كه‌ به‌تۆمه‌تی "ئه‌ندامبوون له‌ رێكخراوی تیرۆريستی چه‌كدار"دا دادگایی ده‌كرێت و داوای هه‌شت ساڵ و نۆ مانگ سزای زیندانیی بۆ ده‌كرێت.

یوكسه‌ك ئاماده‌ی دانیشتنی دادگای پێنجه‌می سزا قورسه‌كانی دیاربه‌كر نه‌بوو له‌سه‌ر دۆسیه‌كه‌ی و ته‌نها پارێزه‌ره‌كانی به‌شداربوون.

داواكاری گشتیی له‌ دانیشتنه‌كه‌دا داوای سزادانی یوكسه‌كی كرد و پارێزه‌ره‌كانی یوكسه‌كیش به‌مه‌به‌ستی به‌رگریكردن له‌ ناوبراو، داوای درێژكردنه‌وه‌ی كاته‌كه‌یان كرد.

ده‌سته‌ی دادوه‌ریی دانیشتنه‌كه‌ش وه‌بیریهێنایه‌وه‌ كه‌ پێشتریش كات بۆ به‌رگریكردن درێژكراوه‌ته‌وه‌ و داواكاریی پارێزه‌ره‌كانی ره‌تكرده‌وه‌.

دادگا به‌تۆمه‌تی "ئه‌ندامبوون له‌ رێكخراوی تیرۆريستی چه‌كدار"دا داوای سزای زیندانیی هه‌شت ساڵ و نۆ مانگ بۆ یوكسه‌ك ده‌كات و بڕیاری ده‌ستگیركردنی بۆ ناوبراو ده‌ركرد.