باڵەخانەیەکی شەش نهۆمی لە شانڵیئورفا داڕووخا

شانڵیئورفا – AA

باڵەخانەیەکی شەش نهۆمی لە پارێزگای شانڵیئورفا داڕووخا و تیمە پەیوەندیدارەکانیش رەوانەی ناوچەکە کران.

باڵەخانەیەکی شەش نهۆمی لە شارۆچکەی هالیلییە سەربە پارێزگای شانڵیئورفا کە بەهۆی ئەو بوومەلەرزانەی شەشی شوبات لە قەهرەمانمەڕەش روویان دا و ١١ پارێزگای تورکیایان گرتەوە، زیانی بەرکەوتبوو داڕووخا.

تیمەکانی سه‌رۆكایه‌تی به‌رێوه‌بردنی كاره‌سات و دۆخه‌ له‌ناكاوه‌كان، ئاگرکوژێنەوە، تەندروستی و هێزە ئەمنییەکان رەوانەی ناوچەکە کران.

کارەکانی گەڕان و رزگارکردن لەژێر داروپەردووی داڕووخاوی باڵەخانەکەدا بەردەوامن و ژمارەیەک کەسیش بە برینداری دەرهێندراونەتەوە.