بارینی بارانی بەخوڕ لە ئیستانبوڵ

ئیستانبوڵ - AA

ئێوارەی ئەمڕۆ پێنج شەممە شەپۆڵێکی باران شاری ئیستانبوڵ گرتەوە و گرفتی بۆ ھاتوچۆ دروست کرد.

لەدوای ئاگاداری بەڕێوەبەرایەتی کەشناسی گشتی تورکیا، ئێوارەی ئەمڕۆ پێنج شەممە بارانێکی بەخوڕ ئیستانبوڵی گرتەوە کە کاریگەری لەسەر گشت ناوچەکان دروستکرد.

- رەوشی ھاتوچۆ

بەھۆی بارانی بەخوڕەوە ئاوێکی زۆر لەسەر شەقامەکان کۆبووەوە و ئاستەنگی بۆ شوفێران دروست کرد. ھەندێک لە ئۆتۆمبێلەکان گرفتی تێدەکەوت و بەھۆیەوە قەرەباڵغی لەسەر شەقامەکان دروست بوو.

ھاوکات بەھۆی وەستانی ھەندێک لە ئۆتۆمبێلەکان بەھۆی تەرزرەوە لە ژێر پردەکان، گرفتی بۆ ھاتوچۆی ئۆتۆمبێل و تیمەکانی رزگارکردن دروست بووە.

ھەر بەھۆی بارینی تەرزە جامی ھەندێک لە ئۆتۆمبێلەکان شکا و ھەندێکیش زیانیان پێگەیشت.

بەھۆی کۆبوونەوەی ئاو لەسەر رێگە و شەقامەکان ھەندێک لە ھاووڵاتیانی ئیستانبوڵ بە سووکی بریندار بوون. ھەندێک لە ھاووڵاتیانیش لە لایەن تیمەکانی فریاکەوتن رزگاریان بوو.

لە ئەنجامی بارانی بەخوڕ و رەشەباوە، ھەندێک لە دار و دەرخت داڕما و بەھۆیەوە گرفتی بۆ ھاتوچو دروستکرد و زیانیشی بە ھەندێک لە ئۆتۆمبێلەکان گەیاند.