ئەو باهۆزە توندەی ئەرزینجانی گرتەوە منارەی مزگەوتێکی رووخاند

ئەرزینجان – AA

بەهۆی ئەو باهۆزە توندەی ئەرزینجانی گرتەوە، منارەی مزگەوتێک داڕووخا و زیان بە میچی ژمارەیەک باڵەخانە گەیشت.

ئەو باهۆزە توندەی شارەکەی گرتەوە، دوای نوێژی بەیانی منارەی مزگەوتی ئاکشەمسەددینی لە گەڕەکی یونس ئەمرە رووخاند و منارەکە کەوتە گۆڕەپانی مزگەوتەکە.

بەهۆی باهۆزەکەوە زیان گەیشت بە بەشێک لە میچی ئەو خانووانەی بۆ مامۆستایان دروست دەکرێن و بەشێک لە قرمیتەکانی میچی قوتابخانەی ناوەندی ئەرزینجان کەوتنە خوارەوە. بۆ ئەوەی قرمیتەکان زیان بەو کەس و ئۆتۆمبێلانە نەگەیەنن کە بەو ناوەدا تێدەپەڕن، رێگای ناوچەکە بە رووی هاتوچۆدا داخرا.

بەهۆی باهۆزەکەوە، ژمارەیەک لە زبڵدانەکانی سەر رێگا با بردنی و زیانێکی کەمیش بە میچی ژمارەیەک لە خانووەکان گەیشت.

دانیشتووی ئەرزینجان، گۆکهان یڵماز بە میدیاکارانی راگەیاند، دوای نوێژی بەیانی منارەی مزگەوتەکە داڕووخا، گوتی: "دوای ئەنجامدانی نوێژی بەیانی دەنگێکی بەهێز هات کە هاتینە گۆڕپانەکە بینیمان منارەکە داڕووخاوە. باهۆزەکە لەناکاو هات. سوپاس بۆ خوا هیچ زیانێکمان پێ نەگەیشت".