ئێشکگرتنی هاووڵاتییان لە دژی کودەتاچییەکان درێژەی هەیە

هاووڵاتییان لە گۆڕەپانی تەقسیم و شوێنە جیاجیاكانی دیكەی شاری ئیستانبوڵ درێژە بە ئیدانەكردنی كودەتا سەربازییەكە دەدەن كە لەلایەن رێكخراوی تیرۆریستی فەتحوڵڵا گولەنەوە، ئەنجام درا.

هاووڵاتییان لە دژی كودەتا سەربازییەكە درێژە بە خۆپیشاندانەكانیان دەدەن و تیایدا دروشمەكانی: "لە دژی كودەتاچییەكان دەوەستینەوە" "سەر بەرزبە و چۆك دامەنوێنە، ئەم میللەتە لەگەڵ تۆیە ئەی رەجەب تەیب ئەردۆغان" ،" گەورەترین سەرباز، ئێمەی سەربازین" ، "یاسای لە سێدارەدانمان دەوێت" و " شەهیدەكانمان نامرن و وڵات دابەش نابێت" و "نا بۆ كودەتا"یان دەگوتەوە.

هەروەها سەرۆكی شارەوانی ناوچەی بەیئۆغڵوی سەربە پارێزگای ئیستانبوڵ، ئەحمەد میسباح، گرووپی تیلۆی هونەری شاری دیاربەكر و چەندین كەسایەتی ناودار لە گردبوونەوەكان گوتار پێشكەش دەكەن.

لە لێدوانێكیدا موستەفا قاداش، ئەندامی گرووپی تیلۆی هونەری گوتی: "بۆ ئەوە لێرەین تا بەیەكەوە و بەیەك دەنگ بە كودەتا بڵێین بوەستە. لە دیاربەكری شاری ئەسحابەكانەوە لەبەر خاتری ئێوە هاتووین، لە دژی كودەتاچییەكان مێژوویەكی تازەمان نووسیوەتەوە".