ئیزمیر.. ئاگرەکەی شارۆچکەی فۆچا کۆنترۆڵ کرا

ئیزمیر- AA

ئەو ئاگرەی کە لە دارستانێکی شارۆچکەی فۆچا سەربە پارێزگای ئیزمیر کەوتبووەوە، کۆنترۆڵ کرا.

ئاگرەکە سەرلەبەیانی ئەمڕۆ، بە هۆکارێکی نەزاندراو لەناو دارستانێکی شارۆچکەکەدا کەوتەوە.

دەستبەجێ تیمەکانی ئاگرکوژێنەوە گەیشتنە شوێنی رووداوەکە و لەڕێی فڕۆکەیەک، پێنج هەلیکۆپتەر و ١٢ ئۆتۆمبێلی ئاگرکوژێنەوەوە دەستیان بە کوژاندنەوەی ئاگرەکە کرد.

لەئێستادا ئاگرەکە کۆنترۆڵ کراوە و کارەکانی ساردکردنەوەی شوێنی رووداوەکەش بەردەوامیان هەیە.