ئۆپەراسیۆنی میت بۆ سەر ڕێکخراوی تیرۆریستیی پەکەکە|کەجەکە لە باکووری عێراق

ئەنقەرە - AA

دەزگای هەواڵگریی نیشتمانیی تورکیا (میت)، لە ئۆپەراسیۆنێکدا لە گوندەواری شاری سلێمانی، تیرۆریست مەزڵوم ئۆزتورک-ی لەچالاکی خست کە لە ئەورووپاوە پەیوەندی کردووە بە ڕێکخراوی تیرۆریستیی پەکەکە|کەجەکە و ناوە نهێنییەکەی "بەرخۆدان چیاگەڕ" بوو.

بەپێی ئەو زانیارییەی لە سەرچاوە ئەمنییەکانەوە دەستکەوتووە، بەهۆی ئەو ئۆپەراسیۆنە سەرکەوتووانەی میت لە باکووری سووریا و عێراق ئەنجامیان دەدات، پەکەکە|کەجەکە کەوتووەتە هەوڵی جێگرەوە بۆ بەدەستهێنانی کادری نوێ.

لەو چوارچێوەیەشدا، ڕێکخراوە تیرۆریستییەکە یەکەم قۆناغی گواستنەوەی تیرۆریستیى بۆ ئەورووپا ئەنجام دا و دواتر بۆ عێراق و سووریا.

مەزڵوم ئۆزتورک-ی پەکەکە|کەجەکە کە لەلایەن میتەوە خرایە ژێر چاودێرییەوە، لە ئابی ٢٠٢٢دا لە تورکیاوە چووە ئەورووپا، لەوێ لەسەر داوای کۆنگرەی کۆمەڵگەی دیموکراتی کوردستانیانی ئەورووپا (KCDK-E)، بەشداری لە چەندین چالاکییدا کرد.

هەروەها تیرۆریست ئۆزتورک لە کانوونی دووەمی ٢٠٢٣دا لە فەڕەنساوە پەیوەندی کرد بە کادیرانی گوندەواری ڕێکخراوەکە و دەستی بە چالاکی چەکداریی کرد و مەشقی لەسەر کوشتنی هێزە ئەمنییەکان کرد.

تیرۆریست ئۆزتورک کە دەرکەوت لە گوندەواری سلێمانییە، لە ئۆپەراسیۆنێکی خاڵی میتدا لەچالاکی خرا.