ئەردۆغان : "لە ئۆپەراسیۆنی لقی زەیتون چوار ھەزارو ٤٠٦ تیرۆریست لە چالاکی خراون"

قایسەری - AA

سەرکۆماری تورکیا، رەجەب تەیب ئەردۆغان لەبارەی ئۆپەراسیۆنی لقی زەیتون گوتی: "لە دەستپێکی ئۆپەراسیۆنی لقی زەیتونەوە تائێستا، چوار ھەزارو ٤٠٦ تیرۆریست لە چالاکی خراون".

سەرکۆماری تورکیا، رەجەب تەیب ئەردۆغان بەشداری لە ٥ەمین کۆنگرەی لقی ئافرەتانی ئاکپارتی لە پارێزگای قایسەری کرد و وتارێکی پێشکەش کرد.

سەرکۆماری تورکیا، رەجەب تەیب ئەردۆغان گوتی: "لەگەڵ دەستکەوتەکانمان قسەدەکەین و لەگەڵ شوێندەستەکانماندا لەبەردەم گەلەکەمانداین. نازانم پارتی ئۆپۆزسیۆنی سەرەکی بە چییەوە لەبەردام گەلدایە".

ئەردۆغان باسی لە ھەڵبژاردنەکانی ٢٤ی حوزەیرانی داھاتوو کرد و گوتی: "کەسانێک دەیانەوێت فیتنە و خراپەکاری بھێنە ئاراوە. دەزانن ئەمە چییە؟ ئەمە واتە "دەنگ بە سەرکۆمار دەدەم بەڵام لە پەرلەمان دەنگ بە ئاک پارتی نادەم" ئایا شتێکی لەم جۆرە دەبێت؟ رازین ئەم یارییەش تێکبدەین؟ ئەمە ھەمووی یارییە و دەزانین کێ لە پشتیوەیەتی. ئینشائەڵڵا لە ٢٤ی حوزەیران ھەموومان ئەم چەتە دوو رووانە لەگۆڕ دەنێین".

ئەردۆغان گوتیشی:"ئەوانەی نەیانتوانی رێگە لە ئەردۆغان بگرن لەوەی لەڕێگەی حەقدا لەگەڵ گەلەکەی بڕوات، لە ٢٤ی حوزەیرانیش ناتوانن لەمەدا سەرکەوتووبن."

سەرکۆماری تورکیا، رەجەب تەیب ئەردۆغان لەبارەی کاندیدکردنی موحەرەم ئینجە گوتی: "چەندین ھەفتە گەل-یان سەرقاڵ کرد بە گوتەی بێ مانا و لە کۆتایدا لەسەر سیاسەتی ئینجە (کاندیدکردنی موحەرەم ئینجە بۆ سەرۆکایەتی کۆمار) رێککەوتن".

ئەردۆغان باسی لە پارتەکانی ئۆپۆزسیۆنی کرد و گوتی:"تەماشای تاکتیک و ھەوڵی پارتی ئۆپۆزسیۆنی سەرەکی جەھەپە و پارتە ھاوھەڵوێستەکانی بکەن بۆ ھەڵبژاردنی سەرۆکایەتیی کۆمار و ھەڵبژاردنی گشتی. گەمەیە لەناو گەمەدا، تەنھا ناڕێکی و بێ بنەمایی و بێڕێزیی بەرانبەر بە گەل تێدا بەدیدەکرێت. "

سەرکۆماری تورکیا، رەجەب تەیب ئەردۆغان لەبارەەی ھاوپەیمانی پارتەکەی لەگەڵ مەھەپە گوتی: "بە ھاوپەیمانی ھەڵبژاردن لەگەڵ مەھەپە و بە پشتیوانی بەبەپە ھاتینە بەرانبەر گەلەکەمان. دوێنێ بە فەرمی داواکاری بەربژێریمان پێشکەش کرا. رۆحییەتی یەنیکاپی بوو بە 'ھاوپەیمانی کۆمار'. ئێستا ھاوپەیمانی کۆمار ھەیە و لە ئاکامی ئەودا بووینە یەک. گەل پێویستی بەوەیە و ئێمەیش ئەوە ئەنجام دەدەین. ئیدی کاتی یەکگرتوویی و کۆتایی ھێنان بە شتی دیکەیە".

ئەردۆغان گوتیشی: "ئەو کەسەی سەرۆکی پارتی ئۆپۆزسیۆنی سەرەکییە، دەڵێت مەچنە عەفرین. بەڕێز خوانەکات ئەگەر تۆ لەم وڵاتە لە دەسەڵاتدا بوویتایە، خوا دەزانێت ئێستا لە ھاتای، ئورفا، کلیس و عەنتاب چی دەبوو؟ ھەرکەسێک دەستدرێژی بکاتە سەر وڵاتەکەمان، بێ چاوەڕوانیکردن بەرپەرچی دەدەینەوە".
سەرکۆماری تورکیا ئەردۆغان لە درێژەی وتارەکەیدا گوتیشی: "ھەرکەسە و ئەوەی پێیەتی با دەری بخات، گەلەکەشمان سەیر بکات و بە پێی ئەمە بڕیار بدات. ئەوە مەیدان و ئەوەش گەلەکەمان".