ئاگر لە دارستانێكی ئورفا كەوتووەتەوە

ئورفا - AA

لە ئورفا هه‌وڵه‌كان بۆ كۆنتڕۆڵكردنی ئەو ئاگرەى كە لە دارستانێكدا كەوتووەتەوە، درێژه‌ی هه‌یه‌.

ئاگر لە پاوانى سەر رێگاى گشتیی ئورفا-ماردين كەوتووەتەوە و بەرەو دارستانى كۆمەڵگەى عوسمانبه‌ى زانكۆى حەڕان تەشەنەی كردووە.

تيمەكانى بەڕێوەبەرايەتى دارستان و ئاگركوژێنەوەى گەورەشارەوانى ئورفا به‌مه‌به‌ستی كوژاندنەوە و كۆنترۆڵكردنی ئاگرەكە رەوانەى ناوچەكە كراون.

شۆفڵ بۆ رێگرتن لە ته‌شه‌نه‌كردنی ئاگرەكە بۆ ناوچەكانی نیشته‌جێبوون له‌ ناوچەكە به‌كارهێنرا، هاوكات دانیشتوان هاوكارى تيمەكانى ئاگركوژێنەوەيان كردووه‌.

هێليكۆپتەرێك، ١٣ ئۆتۆمبيلى ئاگركوژێنەوە، سێ ئۆتۆمبیلی ئاوپرژێن و ژمارەيەك شۆفڵ سه‌رگه‌رمی كوژاندنەوەى ئاگرەكەن.