دەنگۆی ھەڵاتنی ئەندامانی رێکخراوی فەتۆ بۆ قەندیل

سەرۆکایەتی ئەرکانی سوپای تورکیا رایگەیاند کە دەنگۆی ھەڵاتنی بەشێک لە سەربازانی کودەتاچی سەر بە رێکخراوی تیرۆریستی فەتۆ بۆ قەندیل دوورە لە راستی.

سەرۆکایەتی فەرمانگەی پەیوەندییەکانی گەل و راگەیاندنی سەرۆکایەتی ئەرکانی سوپای تورکیا رایگەیاند کە چەند ھەواڵێک لەبارەی ھەڵاتنی سێ ژەنەراڵ و ٥٦ سەرباز بە ھیڵکۆپتەرێک بۆ سلۆپی و لەوێشەوە بۆ باکووری عێراق و ئینجا قەندیل بڵاوبووەتەوە.

سەرۆکایەتی ئەرکانی سوپای تورکیا رایگەیاند: "ئەم ھەواڵانە دوورە لە راستی. بەیانی ١٦ی تەمووز ٢٠١٦ لە سیلۆپی سوپای تورکیا کۆنترۆڵی لەدەست خۆی بووە و ھیچ ھێلیکۆپتەرێک جموجۆڵی نەبووە".