بەردەوامبوونی "بێداری دیموکراسی" لە دیاربەکر، ماردین، بینگۆل

دیاربەکر

لە دژی ھەوڵی کودەتای رێکخراوی تیرۆریستی فەتحوڵڵاچی کۆبوونەوەی جەماوەری لە ژێر ناونیشانی "بێداری دیموکراسی" لە بینگۆل، ماردین و دیاربەکر بەردەوامە.

- دیاربەکر

ھەزاران کەس لە پارکی ئۆرمان لە شارۆچکەی کایاپناری سەربە پارێزگای دیاربەکر کۆبوونەوە و بە بەرزکردنەوەی ئاڵای تورکیا و پۆستەرەکانی سەرکۆمار رەجەب تەیب ئەردۆغان ناڕەزایەتیان بەرامبەر ھەوڵی کودەتا دەربڕی.

لە گۆڕەپانی پارکەکەدا ھۆنراوەی "ئۆلوروم تورکیا" بە زمانی کوردی گوترایەوە و بەشداربووان دروشمی لەسێدارەدانیان بۆ رێکخراوی تیرۆریستی فەتحوڵڵاچی گوتەوە.

ھەروەها مەولوود بۆ قوربانیانی کودەتا خوێنرایەوە و جەخت لە پەیامی ئاشتی و پێکەوەژیان کرایەوە.

- ماردین

هاوکات لە شاری ماردین ناڕەزاێتی بەرامبەربە ھەوڵی کودەتای ١٥ی تەمووز بەردەوامە.

ژمارەیەکی زۆری خەڵک و نوێنەرانی رێکخراوەکانی کۆمەڵگەی مەدەنی، ھودا-پار، پارتی سەعادەت، مەھەپە و ئاک پارتی لە بەردەم بارەگای سەرۆکایەتی ئاک پارتی لقی ماردین کۆبوونەوە.

ھاووڵاتیان چەندین دروشمیان دژی کودەتا گوتەوە و داوای لە سێدارەدانیان بۆ ئەنجامدەرانی کودەتاکە کرد.

سەرۆکی لقی ئاک پارتی لە شاری ماردین، محەمەد عەلی دوندار رایگەیاند کە بەھۆی قارەمانێتی ھاووڵاتییانەوە کودەتاکە شکستیخواردووە.

- بینگۆل

لە لایەکی دیکە ناڕەزایەتی ھاووڵاتییانی شاری بینگۆلیش لە دژی کودەتا بەردەوامە و موفتی پارێزگای بینگۆل مەجد جان نزای بۆ ئەو ھاووڵاتییانە کرد کە لە کودەتاکە گیانیان لەدەستداوە.