هاوینی ئەمساڵ ٣٠ ملیۆن چینی بۆ گەشت دەچنە دەرەوەی وڵات

پەکین - AA

کۆمپانیای گەشتیاری چینی بەناوی C TRIP کە گەورترین کۆمپانیای گەشتیارییە ئاماژە بەوە دەکات کە لە هاوینی ئەمساڵدا، ٣٠ ملیۆن چینی بۆ گەشت دەچنە دەرەوەی وڵات.

یاریدەدەری بەڕێوەبەری کۆمپانیاکە، یانگ شیائۆلی ئاماژە بەوە دەکات کە لە لێکۆڵینەوەیەکدا دەرکەوتووە هاوینی ئەمساڵ، ٣٠ ملیۆن چینی دەچنە دەرەوەی وڵات بۆ گەشت کردن.

چینییەکان بۆ گەشت کردن دەچنە وڵاتانی تایلەند، ژاپۆن، سەنگافور، ئەمریکا، ئیندۆنیزیا، رووسیا و ئیمارات.

ئەمە لەکاتێکدایە کە زۆرترین خەرجی گەشتیاری جیهان چینییەکان دەیکەن و هەموو ساڵێک لە سەدا ٢١ی پێک دەهێنن، لە ١٢ ساڵی رابردووداشدا رێژەکە لەسەرووی سەدا ١٠ بووە.

ئەمریکا، کەنەدا و سەنگافور و چەند وڵاتێکی دیکە ڤیزەی ١٠ ساڵە دەدەنە چینییەکان.