مووچەی فەرمانبەرانی هەرێم دابەش دەکرێت
- لە میانی ئەم هەفتەیەدا، مووچەی وەزارەتەکانی شەهیدان و پەروەردە لەگەڵ ئەنجوومەنی ئاسایش لە لایەن وەزارەتی دارایی حکومەتی هەرێمی کوردستانەوە دابەشدەکرێت.
Arbil
هەولێر - AA
وەزارەتی دارایی حکومەتی هەرێمی کوردستان رایگەیاند کە لە میانی ئەم هەفتەیەدا، مووچەی وەزارەتەکانی شەهیدان و پەروەردە لەگەڵ ئەنجوومەنی ئاسایش، دابەش دەکات.
وەزارەتی دارایی حکومەتی هەرێمی کوردستان خشتەیەکی نوێی دابەشکردنی مووچەی وەزارەتەکانی بڵاوکردەوە.
بەپێی خشتەکە، رۆژی یەکشەممە 5-7 و دووشەممە 6-7-2020 مووچەی وەزارەتی شەهیدان/ کەسوکاری شەهیدانی سەنگەر و ئەنجوومەنی ئاسایش دابەش دەکرێت.
ئاماژە بەوەیشدراوە کە رۆژی سێشەممە 7-7-2020 مووچەی شەهیدانی هاووڵاتی و زیندانیانی سیاسی کە شایستەیان ماوە لەگەڵ دەزگای گشتیی ئاسایش دابەش دەکرێت.
هەر بەپیێ خشتە نوێیەکەی وەزارەتی دارایی حکومەتی هەرێمی کوردستان، رۆژی چوارشەممە 8-7-2020 مووچەی وەزارەتی پەروەردە (دەرەوەی شار) و رۆژی پێنجشەممە 9-7-2020 مووچەی وەزارەتی پەروەردە (ناوشار) دابەش دەکرێت.