عێراق دووەم وڵاتە کە تورکیا زۆرترین هەناردەی بۆ کردووە

عێراق لەدوای ئەڵمانیاوە دووەمی ئەو وڵاتانەیە کە تورکیا هەناردەی بۆ ئەنجامداون.

بەپێی ئامارە کاتییەکانی مانگی کانوونی دووەم سەبارەت بە بازرگانیی دەرەوەی تورکیا کە لەلایەن هەریەک لە دامەزراوەی ئامار و وەزارەتی گومرک و بازرگانیی ئەو وڵاتەوە ئامادە دەکرێن، ئەڵمانیا بەبڕی یەک ملیار و 122 ملیۆن دۆلار لەماوەی مانگی کانوونی دووەمدا لەلایەن تورکیاوە هەناردەی بۆ کراوە، لەدوای ئەویشەوە هەریەک لە عێراق بە بڕی 684 ملیۆن دۆلار، بەریتانیا بە بڕی 676 ملیۆن دۆلار و ئیمارات بە بڕی 655 ملیۆن دۆلار دێن.