سعوودیە کایەی ئاسمانی بە رووی قەتەر دا نەکردووەتەوە

ریاز – AA

حکوومەتی سعوودیە رایگەیاند کە تاکو ئێستا کایەی ئاسمانی وڵاتەکەیان بە رووی هێڵی ئاسمانی قەتەردا نەکردووەتەوە.

دوای ئیمارات و بەحرەین، سعوودیەش ئەو هەواڵانەی بەدرۆخستنەوە کە باس لە کردنەوەی کایەی ئاسمانی ئەو وڵاتە دەکەن بە رووی هێڵی ئاسمانی قەتەردا.

سەرۆکی دەستەی گشتیی فڕۆکەوانی مەدەنی لە سعوودیە، عەبدولحەکیم بن محەمەد تەمیمی بە ئاژانسی هەواڵی SPA سعوودی راگەیاندووە کە تاکو ئێستا کایەی ئاسمانی وڵاتەکەی بە رووی هێڵی ئاسمانی قەتەردا نەکراوەتەوە.