داهاتی نەوتی هەناردەکراوی رووسیا لەسەدا ٢١،٥ زیادیکردووە

مۆسکۆ - AA

داهاتی نەوتی هەناردەکراوی رووسیا لە مانگەکانی کانوونی دووەم-حوزەیران بە بەراورد بە هەمان قۆناغی ساڵی پێشتر سەدا ٢١،٥ زیادیکردووە و گەیشتووەتە ٤٧،٧ ملیار دۆلار.

بەپێی داتاکانی خزمەتگوزاری گومرکی رووسیای فیدراڵ، قەبارەی هەناردەکردنی نەوت لەو وڵاتە لە شەش مانگی یەکەمدا بە بەراورد بە ساڵی رابردوو، سەدا ١١،٨ کەمیکردووە و دابەزیوە بۆ ٨٨،٢ ملیۆن تۆن.

لەو سەردەمەدا داهاتی نەوتی هەناردەکراوی رووسیا سەدا ٢١،٥ زیادیکردووە و گەیشتووەتە ٤٧،٦ ملیار دۆلار.

ئەو داهاتەی کە رووسیا لە هەناردەکردنی نەوت و غازی سروشتی دەستی دەکەوێت، نزیکەی سەدا ٤٠ی بوودجەی ئەو وڵاتە پێکدەهێنێت.