Li Hîzana navçeya Bidlîsê dest bi komkirina tiriyên rêzan ên tebiî kirin, welatî ji tiriyan dimsê çêdikin.
Welatî ji tiriyên li rêzên berpalên çiyayên Hîzanê hêşin dibin bi salan e li gor rê û rêzikên berê dimsê çêdikin û dişînin bajarên din ên welêt.
Cotkarên li Harmandovena gundê Hîzanê ji tiriyên tebiî dimsê çêdikin.
Cotkarên ber destê sibê diçin rêzên xwe tiriyan bi baldarî kom dikin û dixin selikan, li hesp û hêştiran bar dikin û tînin gundê xwe.
Gundî qazanên xwe didin ser tendûra ji kevir û heriyê çêkirine, ava tiriyan bi qasî 5-6 saetan dikelînin, piştî karekî zehmet dixin dimis.
Yaşar Kisayê li ber tendura germ 20 sal e ligel germahiyê dimsê çêdike daxuyanî da nûçegihanê AAyê û diyar kir ku diyar kir ku şeveqê zû diçin ji rêzan tiriyan tînin gund.
Kisa destnîşan kir ku tiriyan digivêşin ava wan derdixin, ava tiriyan qasî demekê didin sekinandin û wiha axivî:
"Em paşê avê berî qazanên li ser agir didin 5 an jî 6 saetan dikelînin û ava tiriyan dibe dimis. Ji 250 lître ava tiriyan 40 lître dimis derdikeve. Ev kara ji kal û bavên me maye. Tengaya 200 sal e em dimis çêdikin. Çêkirina dimis gelekî bi zihmet e. Em li ber agir disekinin. Zehf germ dibe. Bavê min 40 sal berê eva tendûra û di sala 1964an da jî hewza givaştina tiriyan çêkir."
Kisa got haveynê dimsê axa sipî ye û wiha axivî: "Gelek kes dimsê dixwazin. Ji ber ku organîk e ji navçeyan, Bidlîsê, Stenbol û bajarên din jî dixwazin. Fikra me ew e ku îsal kîloya dimsê bi 40 lireyî bifroşin. Ez di salê da kêm û zêde tonek dimis çêdikim."
Sidik Yildirimê 60 salî jî berdestê sibê diçin rêzan êvarê vedigerin.
Yildirim wiha axivî: "Em qismeke tiriyan difroşin. Ji qismekî jî dimis çêdikin. Ev ji ka û bavê me ji me ra maye. Ez di salê da 500 kîlo dimis çêdikim. Çêkirina dimis gelekî zor e."
