Qefleya ewil a turîstên Rûs hat Antalyayê

Bi destpêkirina geştên asîmanî yên di navbera Tirkiye û Rûsyayê da ku di çarçoveya tedbîrên cureya nû ya vîrusa koronayê (Kovîd-19) da hatibûn rawestandin, 519 turîstên Rûs hatin "paytextê turîzmê" Antalyayê.

Geştên asîmanî ku ji ber Kovîd-19ê meha adarê hatibûn rawestadin, 1ê tebaxê bo Stenbol û Enqereyê, îro jî ji bo Antalya, Dalaman û Bodrumê dest pê kirin.

Balafira ku ji Balafirgeha Moskova Sheremetyevoyê rabû, saet 03.25an li Balafirgeha Antalyayê danî.

Turîstên ku ligel malbat û hevalên xwe hatin balafirgehê, maske dan ber devê xwe û wisa ji balafirê peya bûn. Turîst her wisa ji kamerayên termal derbas bûn û bi dezenfektanên li ciyên diyarkirî, destê xwe dezenfektan kirin û piştî miemeleyên pasaport û walîzê, bi servîsan çûn otêlên xwe.

Turîstên Rûs ên ku ji balafirgehê çûn wiha gotin, "Me gelekî bêriya Tirkiyeyê û Antalyayê kiribû. Merheba Tirkiye."