Arîkarê Serokê Giştî yê Mazlûm-Derê Selahattîn Çoban daxuyaniyek da nûçegihanê AAyê û got ku wisa difikirin ku çek ne çereyeke şênber e. Li gor me divê paşvekişîn tenê di qada siyaseta sivîl de pêk tê. Divê qenalên siyaseta sivîl bên vekirin. Çoban got ku ez bi bawer im ku paşvekişîna çekdarî, ew jî di nav de dê zirar bide her kesî. Divê hemû alî daxuyaniyên eqlêselîm bidin û bi hev re di nav tevgereke erênî de bin. Çoban got ku divê hem siyasiyên legal hem jî endamên rêxistinê daxuyaniyên berpirsyarî û eqlêselîm bidin û dest nîşan kir Ku divê her kes ji daxuyaniyên ku zirarê didin pêvajoya çareseriyê, dûr bisekine.
Serokê Baroya Diyarbakirê Tahir Elçî jî ragihand ku pêvajoyeke ku hem ji bo gelê tirk hem jî ji bo gelê kurd ev qas girîng e, divê ew qas bi hêsanî dawî nebe û zirarê nebîne. Elçî got ku çarçoveya ku Ocalan di 21ê adarê de diyar kir, gelek girîng bû û hêvî dida. Di vê çarçoveyê de hatibû diyarkirin ku divê çek ji holê rabin û rêbazên siyaseta aştîxwaz wek bingeh bên qebûlkirin. Elçî got ku divê ew qas bi hêsanî neqede, divê her kes di daxwaza aştiyê de bi israr be û ji bo armanca aştiyê bi înyad be.
Elçî axaftina xwe wiha berdewam kir: "Berpirsyariya ev qas rehet xerakirina vê pêvajoya dîrokî, mezin e. Ji ber vê yekê divê hikûmet jî daxwazên gel bibîne û guh bide wan daxwazan. Divê hikûmet bibîne ka civaka Tirkiyeyê çiqas girîngiyê dide aştiyê û bendewarê aştiyê ye. Divê hêvîdariya kurdan ya ji bo pêngavên der barê mafên kurdan de bibîne. Li gor wê gav biavêje. Di serî de perwerdeya zimanê dayîkê, divê di destûrê de mafên ziman, çand û perwerdeyê di bin ewlehiyê de be. "
Elçî diyar kir ku divê hin pêngavên qanûnî û fiîlî yên ku pêvajoyê xurt dikin, bên avêtin û got ku di der barê vê mijarê de ji hikûmetê gelek hêvîdar in.
- "Herêmê aramî çêbû"
Serokê Komeleya Karsazên Muteşebîs ya Diyarbakirê (DIGIAD) Alaaddîn Korkutata got ku pêvajoya çareseriyê ya ku kesî nediwêriya bide destpêkirin, dest pê kir û bêpevçûnî, aramî anî herêmê.
Korkutata got ku divê her kes ji tevgerên ku zirarê didin pêvajoyê dûr bisekine û ragihand ku wek alema kar ji destêka pêvajoyê heta niha wek mirovên herêmê bi hêsanî karên xwe dişopînin, ji derveyî bajêr û ji welatên cuda ji bo veberhênanê gelek kes hatin herêmê.
Korkutata got ku di wextekî wiha de gotinên wekî "pêvajoya çareseriyê xitimiye" kerî kesî nayê û di vê kes ecele neke.
- "Em gihan merhaleyeke baş"
Serokê Şûbeya Diyarbakirê ya ÎHDê Racî Bîlîcî parast ku pêvajoyê demek dirêj e dest pê kiriye, divê ji bo çareseriyê hêdî hêdî tevbigerin lê di vê mijarê de hikûmet gav navêje.
Bîlîcî got ku digel hemû kêmasiyan em gihane asteke baş û cidî û diyar kir ku çek bêdeng bû û mirin rawestiya.
Bîlîcî ragihand ku ku hikûmetê diyar kiriye ku dê ji bo pêvajoyê gav biavêje û got ku hêviya min ew e ku divê ev pêvajo bi tu awayî neqede, divê car din dengê çekan bilind nebe.
