Li Sêrtê rêya 29 gundan hat girtin

Ji ber barîna berfê û bagerê rêya 29 gundên Sêrtê hat girtin.

Li gor agahiyên ku hatin hildan, barîna berfê ya ku ev 3 roj in li bajêr dewam dike li ser jiyana rojane tesîreke neyînî dike.

Ji ber barîna berfê û bagerê 4 dîrekên ku ji 11 gund û 4 mezrayên navçeya Şîrvanê re ceyran dibir şikestin.

Li Perwariyê 11, li Şîrvanê 12 û li Eruhê rêya 6 gundan hatin girtin.

Tîmên Îdareya Taybet a Bajêr xebatên ji bo vekirina rêyên girtî didomînin.

Tîmên ceryanê piştî demekê din dest bi çikandina dîrekên nû kir û pirsgirêka ceyrana 5 gund û 2 mezrayan çareser kirin.

Xebata ceyranê ya ji bo 6 gund û 2 mezrayên din jî wê piştî ku rêya wan hatin vekirin dest pê bike.