Li Erzirom, Erdexan, Qers û Agiriyê sir û seqem û mij jiyanê dixe tengasiyê.

Li Erziromê kuçe û kolanan cemed girt, li ser dar û beran qiravî çêbû.

Welatiyan wesayîtên xwe bi betaniyê pêça, şadirwanên hin mizgeftan qeşa girt, bi çatiyên avahiyan va şembelîlk çêbûn.

Ekîbên şaredariyê ji bo paqijkirina ber û cemeda kolan û kuçeyan dest bi xebatê kir.

Li Erdexanê jî ji ber sir û sermayê peyarê û rêyan qeşa girt.

Camên wesayîtan û dar û beran qiravî girt.

Li Qersê sir û sermayê jiyan kir tengasiyê.

Piştî barîna berfê li bajêr sir û seqem zêde bû û camên wesayîtan, nebat û robaran qeşa kişand.

Li hin gundên ser navendê li ser daran qiravî çêbû.

Li navçeya Sariqamîşê çiyayên Allahuekber, Soganli û Agbabayê û daristanên Sariçamê di binê berf û mijê da dîmenên xweş derxist holê.

Li Agiriyê jî hewa sar e û çeman qeşa kişand.

Camên kargeh û wesayîtan qeşa kişand û li ser dar û beran qiravî çêbû.