Yildirim bi heyeteke qelebalix seredana Hewlêrê dike

ENQERE

Serokwezîr Bînalî Yildirim, piştî qedandina seredana Bexdaya paytextê Iraqê, bi heyeteke qelebalix ku ji wezîr, dîplomat, parlamenter û siyasetmedarên herêmê û Kurd pêk tê gihîşte Hewlêra Herêma Kurdistanê.

Yildirim, li Balafirgeha Navneteweyî ya Hewlêrê ji aliyê Serokwezîrê Herêma Kurdistanê Nêçîrvan Barzanî, Serokê Navxweyî Kerîm Sîncarî, Wezîrê Tenduristiyê Rêkewt Heme Reşîd, Wezîrê Perwerdeyê Piştîwan Sadiq, Berpirsê Têkiliyên Derve Felah Mistefa, Berdevkê Hikûmetê Sefîn Dizeyî, Serokê Dîwana Serokatiyê Fûad Huseyn û mutercimê Serokê Herêma Kurdistanê Mesûd Barzanî Doktor Ebdulselam ve bi germî hat pêşwazîkirin.

Di heyeta Serokwezî Bînalî Yildirim de Wezîrê Aboriyê Nîhat Zeybekçî, Wezîrê Vejen û Çavkaniyên Sirûştî Berat Albayrak, Wezîrê Gumrik û Bazirganiyê Bulent Tufenkçî, Wezîrê Perwerdeyê Îsmet Yilmaz, Wezîrê Bergiriyê Fîkrî Işik, Wezîrê Tenduristiyê Recep Akdag, Cîgirê Serokê AK Partiyê û Parlamenterê Stenbolê Mehdî Eker, Cîgirê Serokê Grûba AK Partiyê û Parlamenterê Çanakkaleyê Bulent Tûran, Parlamenterê Diyarbekirê Galîp Ensarîoglu, Parlamenterê Mêrdînê Orhan Mîroglu, Balyozê Tirkiyê li Bexdayê Farûk Kaymakçî, Serkonsolosê Tirkiyê li Hewlêrê Mehmet Akîf înam û gelek siyasetmedar jî hatin Hewlêrê.

Tê çaverêkirin ku Yildirim îro bi Serokê Herêma Kurdistanê Mesûd Barzanî û piştre jî bi Serokwezîr Nêçîrvan Barzanî re bicive. Di civînan şerê bi giştî li herêmê li dijî terorê û taybetî jî têkoşîna li dijî rêxistinên terorî DEAŞ û PKKê dê were xeberdan.

Serokwezîr Yildirim cara ewil e ku diçe Hewlêrê. Berî Yildirim, Serokomar Recep Tayyîp Erdoğan û Serokwezîrê berê Ahmet Davûtoglû jî wek Serokwezîr seredana Hewlêrê kiribûn.