"Welatî dema roj hat bersiva hewce dike wê bidin her kesî"

ANKARA

Serokwezîr Bînalî Yildirim li Balafirgeha Esenbogayê beriya ziyareta xwe ya li Kîşîneva paytextê Moldovayê daxuyaniya çapemeniyê da.

Serokwezîr Yildirim ji bona daxuyaniya Deniz Baykal a der barê Abdullah Gul da wiha got: "Kesên kampanyaya 'na'yê meşandin bawer dikim êdî qane bûne 'erê' derketiye. Niha jî li ser namzedê 'na'yê xeber didin û meqaman parve dikin. Ev geşedaneke baş e. Lê bi lezûbez hewldanên ji bona namzediyê li dijî gel bêhurmetî ye û him jî li gor demokrasiyê nîne kesek rabe û meqamekê îkramî kesekî bike."

Yildirim destnîşan kir ku bi boykot û nebeşdarbûnê encam dernakeve û wiha got: "Em dixwazin hemû guherînên ji bo pergala teze ya di hilbijartinên 2019an da wê bikevin rewacê li Meclisê bi beşdariya hemû partiyên siyasî û bi hevdîtin û nirxandinên berfireh bên kirin. Me berê jî der barê vê da banga xwe kiribû û em cardin dubare dikin; bi boykot û beşnedarbûnê encam dernakeve. Welatî ji dûr va tiştên diqewimin teqîb dikin û dema roj hat jî bersiva hewce dike didin her kesî."