Önder Beyter
06 Adar 2018•Rojanekirin: 06 Adar 2018
TBMM
23 dosyeyên parêzbendiyê yên 21 parlamenteran ku di navê da Serokê Giştî yê CHPê û Parlamenterê Îzmirê Kemal Kiliçdaroglu û Hevseroka Giştî ya HDPê û Parlamentera Stenbolê Pervîn Buldanê jî hene, pêşkêşî Serokatiya Meclisê kirin.
Tevî Kiliçdaroglu û Buldanê li gorî grûbên partiyên siyasî parlementerên ku der heqê wan da Tezkereyên Serokwezîriyê yên Rakirina Parêzbendiya Qanûndanînê şandin Komîsyona Têkel a Destûr û Edaletê ya Meclisê ev in:
Grûba HDPê: Parlamentera Diyarbekirê Sibel Yigitalp, Parlamenterê Wanê Adem Geverî, Parlamenterê Rihayê Osman Baydemir, Parlamenterê Enqereyê Sirri Sureyya Onder, Parlamenterê Wanê Nadir Yildirim, Parlamenterê Entabê Mahmut Togrul, Parlamentera Agiriyê Dirayet Dilan Taşdemir, Parlamentera Rihayê Dilek Ocalan, Parlamentera Diyarbekirê Feleknas Uca û Parlamentera Şirnexê Aycan Îrmez.
Grûba CHPê: Cîgirserokê Komê û Parlamenterê Manîsayê Ozgur Ozel, Parlamenterê Stenbolê Bariş Yarkadaş, Parlamenterê Stenbolê Mustafa Sezgin Tanrikulu, Parlamenterê Antalyayê Çetin Osman Budak, Parlamenterê Manîsayê Mazlum Nurlu, Parlamenterê Balikesîrê Namik Havutça, Parlamenterê Aydinê Bulent Tezcan, Parlamenterê Kocaeliyê Haydar Akar û Parlamenterê Stenbolê Eren Erdem.
Di nava fezlekeyên ku şandin Meclisê da dudu jê yên Tanrikuluyê CHPî û dudu jê jî yên Yigitalpa HDPyî hene.
Ligel fezlekeyên dawîn hejmara dosyeyên ku hatin Meclisê derket 550yan.
