Serokê berê yê Baroya Diyarbekirê Tahir Elçî ku beriya nuha bi 10 salan, li Sûra navçeya Diyarbekirê, di pevçûna piştî êrîşa ku 2 polîs tê da şehîd ketin, canê xwe ji dest da, hat bîranîn.

Koma ku Serokê Yekîtiya Baroyên Tirkiyeyê (TBB) Ramiz Erinç Sagkan, hevjîna Tahir Elçî Turkan Elçî û parêzer jî di nav de bûn, li ber Dadgeha Dîyarbekirê kom bûn û heta Kolana Av. Tahir Elçî ya ya ku Minareya Çarpê lê ye, meşiyan.

Serokê TBBê Sagkan di axaftina xwe ya li vir da got ku ew 10 sal in ji bo bîranîna Tahîr Elçî li vir dicivin.

Sagkan got, "Emê têkoşînê bidomînin ji ber ku me ew kevneşopî ji serokê xwe Tahîr Elçî mîras girt. Bi rêzdarî, ji bo bîranîna Tahîr Elçî, emê têkoşîna wî li cihê ku ew lê rawestiya bidomînin. Ez Elçî bi dilovanî û rêzdarî bi bîr tînim."

Serokê Baroya Diyarbekirê Abdulkadîr Guleç diyar kir ku ji bo bîranîna Tahîr Elçî li vî bajarê qedîm hatin cem hev.

Guleç got, "Wekî Baroya Diyarbekirê, em careke din bang dikin. Divê bi lêpirsînek bi bandor kiryarên kuştina Tahir Elçî werin eşkerekirin."

Türkan Elçiyê jî her wiha diyar kir ku ev cara 10emîn qurnefîl datînin binê minareya dîrokî û Tahir Elçî bi bîr anîne.

Piştî axaftinan, qurnefîl danîn ber Mînareya Çarpê.

Parlamenterê CHPê yê Diyarbekirê Sezgîn Tanriklu û Berdevka DEM Partiyê Ayşegul Dogan jî beşdarî bîranînê bûn.

Pişt ra, di merasîmekê da ku li Goristana Yenîkoyê ya navçeya navendî ya Baglarê hat lidarxistin, qurnefîl li ser gora Tahir Elçî hatin danîn.

Di 28ê Mijdara 2015an da, Baroya Dîyarbekirê li navçeya Sûrê ya Dîyarbekirê civîneke çapemeniyê li dar xist da ku balê bikişîne ser Mînareya Çarpê ya dîrokî ku di êrîşên terorîstî de zirar dîtibû. Piştî konferansê, polîs Ahmet Çiftaslan û Cengiz Erdur di êrîşeke terorîstan da şehîd bûn û Serokê Baroya Dîyarbekirê Tahir Elçî di pevçûna piştî wê da jiyana xwe ji dest dabû.