Qesra Îshaq Paşa di eydê da xalî namîne

Ji cihên berbiçav yên turîstîk Qesra Îshaq Paşa, ku li Bazîda navçeya Agiriyê ye, di eyda Remezanê da bi ziyaretvanan tijî dibe.

Bi avahîsazî û taybetiyên xwe yên dîrokî va li herêmê Qesra Îshaq Paşa nîrxekî hêja ye û her sal bi hezaran mêvanên xwecî û biyanî diezimîne.

Ziyaretvanên ji çar aliyê welêt û dervayî welêt hatine Bazîdê, li pêşberî Qesra Îshaq Paşa ya dîrokî ku 7 kîlomêtre ji navçeyê dûr e û li ser girekî bilindahiya wê 1900 mêtre ye, dibine hejmetkar.

Ji ziyaretvanan Batuhan Guneş ji nûçegihanê AAyê ra ragihand ku ew ji Romanyayê hatiye û di betlaneya 9 rojî ya eydê da li cihên dîrokî û çandî digere û wiha got:

"Qesra Îshaq Paşa, ji dû Qesra Topqapiyê ra li welêt bi mezinahiya xwe va qesra duyemîn e û çanda me pir xweş nîşan dide. Ji hêla erdnîgarî va li cihekî pir xweş hatiye avakirin. Bi taybetî ez bûm heyranê zindan û mizgefta wê. Ez pêşniyazî her kesî dikim ku werin bibînin."

Erdal Şîmşekê Wanî jî got ku seba vê avahiya dîrokî bibîne ew her sal tê vê herêma dîrokî û diyar kir ku bi reng û rûyê xwe yê dîrokî û qedîm va qesr ji bo ger û kêfê mekanekî bijare ye.