Li Stenbolê ji ber barana zêde, li Şîşlî û Uskudarê li ser rêyan golên avê çêbûn, hin kargeh û avahî jî di binê avê da man.

Piştî ku Walîtiya Stenbolê ji ber barana zêde hişyariya meteorolojiyê ya ku koda wê zer e da û got li tevahiya bajêr barana gur wê bibare, bi şev baraneke zêde barî.

Ji ber baranê li hin herêman golên avê çêbûn, şofêran wesayîtên xwe bi zehmetî ajotin û welatî jî bi zehmetî çûn û hatin.

Li Çengelkoya Uskudarê ji ber ku rogar xitimî, rêyek di bin avê da ma.

Şofêrên ku bi zehmetî çûn û hatin dîmenên vê keliyê bi telefona destan kişandin.

Li Şîşliyê jî hin mal û kargeh di binê avê da man. Li ser cawdayînê ekîbên agirkuj û ÎSKÎyê çûn alîkariyê.

Li Taxa Merkezê jî wesayîtek di avê da asê ma, şofêr jê peya bû, wesayît kişandin û birin.

Kêliya ku wesayît di avê da asê ma bi kameraya telefonê ya destan hat kişandin.