Li Mûş û Bidlîsê mij û serma bi bandor e

Li Mûş û Bidlîsê ji ber mij û sermayê mesafeya dîtinê daket û baniyan şembelûk girtin.

Li Mûşê piştî barîna berfê germahî şikest û serê sibehê jî mij derket.

Li bajêr mesafeya dîtinê heya 10 metreyan daket û lewma ajokaran bi baldarî wesayîtên xwe ajotin.

- Bidlîs

Li Tetwana navçeya Bidlîsê ji ber sir û seqemê, baniyên avahiyan şembelûk girtin.

Li navçeyê sermaya ku li dû berfê çêbû, tesîreke neyînî li jiyanê kir.

Her wiha li navçeyê li ser kuçe û kolanan cemed çêbû.

Navçeya bi mij û dûman û her wiha Gola Wanê ya keviyên wê bi berfê spîçîl bûne, dîmenên sipehî derxistin holê.