Li Erzirom, Tuncelî, Qers û Erdexanê piştî berfê sir û sermayeke zêde çêbû.

Li Erziromê duh dem demî berf barî û paşê hewa sar bû.

Li bajarê ku termomêtroyan germahiya hewayê ya bi şev di binê sifirê da 15 pile nîşan da dar, kanî û wesayîtan qeşa girt.

Li ser banê xaniyan şembelûkên ku bi mêtroyan dirêj çêbûn.

- Qers

Li Qersê sir û sermaya ku piştî berfê çêbû dewam dike.

Li bajarê ku termomêtroyan germahiya hewayê ya bi şev di binê sifirê da 11 pile nîşan da dar û beran qiravî girt û hin cihên avî jî qerisîn.

Li navçeya Sariqamîşê li ser banê xaniyan şembelûkên dirêj çêbûn.

Ji ber sermayê paceyên mal û wesayîtan qeşa girt, hin esnafan paceyên wesayîtên xwe paqij kirin.

Li navçeya Akyakayê jî ji ber sir û sermayê şembelûk çêbûn.

Welatiyan berfa li ber mal û kargehên xwe paqij kir.

Li hin gundên girêdayî navçeyê mal di binê berfê da man.

- Erdexan û Tuncelî

Li Erdexanê sir û serma heye.

Li bajarê ku bi berfê nixûmiye germahiya herî kêm a bişev 13 pile hat pîvan.

Ji ber sermayê li ser rêyan qeşa çêbû.

Li Ovacika navçeya Tunceliyê germahiya hewayê di binê sifirê da daket 6 pileyan û ji ber vê dar û nebatan qiravî girt.

Li navçeyê çem jî qerisîn, ekîban li ser rêyan xoyê reşandin.